A adaptación que Seamos Heaney realiza da obra de Sófocles, " Filoctetes " , nesta nova entrega da colección " Os libros do Centro Dramático Galego " , recolle os elementos fundamentais da traxedia grega: o mesmo marco espacio-temporal, os mesmos personaxes e o mesmo conflicto. A fábula constrúese a partires das dúbidas que enfrontan Neptólemo e Filoctetes, o primeiro para ser fiel aos seus propios valores, renunciando a enganar ao solitario penitente cos requintados sofismas que Ulises lle propón e esquecendo as razóns de Estado que Odiseo esgrime, e o segundo para aceptar o seu propio destino e ir na axuda daqueles que tanto agravio lle causaron no pasado.
