Dous libros de contos: Os ruíns, narracións que datan do ano 1935, case no punto do estoupido da Guerra Civil, e A pega rabilonga e outras historias de tesouros, que viu a luz en 1971 en Edicións Castrelos. Estas narracións comparten, malia os anos que as separan, riqueza descritiva, viveza nos diálogos, humor sutil e unha querenza do autor polos personaxes humildes e perdedores fronte á crítica aberta aos insensibles e aos poderosos.
Publícase neste volume toda a narrativa breve escrita en galego por Xosé María Alvarez Blázquez.
