'María del Pilar Fernández Soto e Nuria Fernández Soto'
Na sociedade actual, moitas miradas vólvense cara á atención de persoas que, pola súa incapacidade ou a súa idade avanzada, perderon a súa autonomía na vida cotiá. A demanda de profesionais formados que presten a súa axuda a estes colectivos é cada día maior, de aí que xurda con forza nas páxinas de ofertas de emprego a figura do auxiliar de axuda a domicilio como unha profesión de futuro.
Con este manual, o lector poderá adquirir coñecementos relacionados co dominio das técnicas, os recursos e os produtos que aseguren unha alimentación apropiada aos requirimentos físicos e psíquicos dos asistidos, cos coidados hixiénicos necesarios de aseo persoal e co vestiario, necesarios para desempeñar correctamente as tarefas domésticas que competen ao auxiliar de axuda a domicilio.
Os contidos que presentamos correspóndese cos módulos 'Nutrición, Dietética e Alimentación'; 'Hixiene e Seguridade Persoal' e 'Limpeza e Coidados do Fogar', do certificado de profesionalidade de 'Auxiliar de Axuda a Domicilio', segundo o Real decreto 331/1997.
Ideaspropias Editorial desenvolve este manual de formación para todos aqueles profesionais que se dedican a este labor ou desexan facelo, co fin de que amplíen os seus coñecementos sobre esta materia facilitando a obtención, ao mesmo tempo, dun título recoñecido polo Sistema Nacional de Cualificacións.
