O Abecedario de Bernardino Graña é, basicamente, un vocabulario literario do autor. Esta obra ofrece claves para comprender dun xeito ameno e pedagóxico o escritor. A lectura deste manual non se rexe conforme a pautas cronolóxicas ou temáticas, senón por algunhas acepcións ordenadas alfabeticamente que o lector ou lectora ha de procurar a eito e aleatoriamente entre aqueles conceptos que considere oportuno, seguindo a curiosidade ou o azar ao ritmo marcado polas propias palabras recompiladas. Os trazos máis salientábeis deste persoeiro aparecen reflectidos nas máis de cincuenta voces recollidas neste volume.
