Con precedentes coma os achegados por Eduardo Pondal, Xohán Vicente Viqueira e o poeta catalán Carles Riba, o neotrobadorismo terá o seu epicentro no Seminario de Estudios Galegos e nas composicións de Alvaro Cunqueiro, Bouza Brey, Filgueira Valverde, Iglesia Alvariño, Díaz Jácome e Xosé María Alvarez Blázquez, reinventores dunha tradición que se prolonga ata os nosos días. Completa o libro un estudo introdutorio no que Pilar Castro analiza diversos temas e problemas do neotrobadorismo.
