En «Celso Emilio Ferreiro, nacionalista galego» Luís Gonçales Blasco «Foz» propón unha achega ao comportamento político do poeta de Celanova: desde a súa vinculación co movemento nacionalista das Mocedades Galeguistas, até que foi expulsado da UPG e despois militou no PSG para, nos últimos anos de vida ingresar, de forma testemuñal, no PSOE. A obra, que trata tamén o contexto histórico, literario e social da biografía de Celso Emilio, así como da súa obra literaria, verte luz sobre certos lugares comúns reiterados noutro tipo de ensaios que pretenden afastalo da ideoloxía nacionalista. Manexando documentación fidedigna, queda ben ás claras o percorrido de Celso Emilio Ferreiro no ámbito da UPG, desde a súa fundación até a súa expulsión, como tamén algúns capítulos nos cales o propio «Foz», autor deste libro, foi coprotagonista dos acontecementos.
![Una temporada en el infierno / Iluminaciones [Edición ilustrada]](https://static.serlogal.com/imagenes_small/9788411/978841148837.jpg "Una temporada en el infierno / Iluminaciones [Edición ilustrada]")
