A que lle ten que facer caso un cando debe tomar unha decisión, ao corazón ou á cabeza? Se xa para unha persoa é difícil, imaxina para unha cegoña, que anda todo o día nas nubes. Hai tempo, Natasha e Dimitri, unha parella de namoradas cegoñas transportistas, tiveron que tomar unha decisión importante para elas. A que cres que lle fixeron caso? Natasha e Dimitri é un relato de Antonio Yáñez Casal, ilustrado por Rodrigo Chao, dirixido a lectores avanzados de sete anos en diante. Tras esta divertida aventura dunha parella de laboriosas cegoñas viaxeiras, agóchase un relato que propón ao lector e á lectora novos unha interesante reflexión sobre a responsabilidade que cadaquén ten á hora de acometer os traballos e tomar decisións.
