En Santiago de Compostela, nos derradeiros anos do franquismo, unha xeración contempla, entre a impotencia e o cinismo, o naufraxio dos soños no crespo mar da vida. Na época de cambios e reviravoltas que lle toca vivir, Daniel Linde, protagonista desta novela, establece coa sociedade do seu tempo unha relación marcada polo enigma e a indagación.
Publicada por primeira vez en 1993, é novela de iniciación, de busca do sentido da vida, na que Ramiro Fonte condensa a experiencia dun tempo incerto.
